شادمان رضا

شاعر : قمر حسنین
مـنـقـبت خواں : شادمان رضا
سال : 2011
کمپوزر : زین عباس
اس مـنـقـبت کے تحریر کرنے میں اگر کوئی غلطی سرزد ہوگئی ہوں تو اس کے لیے میں معذرت خواہ ہوں

اللہ ھو اللہ ھو اللہ
اللہ ھو اللہ ھو اللہ

سورج نکلا تارے بھاگے
دنیا والے سارے جاگے

لا الہ الا اللہ
محمد رسول اللہ
علی ولی اللہ وصی و رسول اللہ و خلیفۃ بلافصل
السلام و علیک یا امام زمان

پیارے بچوں صبح کو اٹھ کر سب سے پہلا کام کرو
کلمہ پڑھو اور سر کو جھکا کر تم مولا کو سلام کرو

ذکر خدا سے کرنا ہوگا بچوں ہر دن کا آغاز
صبح سویرے اٹھ کر تم نے فجر کی پڑھنی ہوگی نماز
حاصل کرنا ہوگا تمہیں قرآں کی تلاوت اعزاز
پڑھنا دعاۓ امام زمانہ سامنے سب کے باآواز
نصرت مولا حق ہے تمہارا حاصل یہ انعام کرو

صبح سویرے جب اٹھنا ہے ہاتھ اور منہ کو دھونا ہے
صبح کو جلدی اٹھ جانا ہے رات کو جلدی سونا ہے
خوش رہنا ہے حب علی میں شاہ کے غم میں رونا ہے
جیسے امام زمانہ چاہیں ویسا ہم کو ہونا ہے
ناصر مولا کی فہرست میں شامل اپنا نام کرو

اچھے بچے وہ ہوتے ہيں جو اسکول کو جاتے ہیں
کاغذ اور قلم کو لے کر لکھنے پڑھنے آتے ہيں
کرتے ہیں استاد کی عزت سامنے سر کو جھکاتے ہیں
سیکھتے جو اچھی باتيں وہ اوروں کو بھی سکھاتے ہیں
چھوٹا بڑا کوئی بھی آۓ بڑھ کر اس کو سلام کرو

حب وطن ہے طاقت اپنی جس سے دشمن ہارا ہے
اس کی خاطر جانیں دی ہیں خون سے اس کو نکھارا ہے
پرچم غازی کے ساۓ میں اپنا پرچم پیارا ہے
ہم ہيں پاکستان کے شہری پاکستان ہمارا ہے
علم کے در سے روشنی لے کر ملک کا روشن نام کرو

کھانا کھاؤ ہاتھ کو دھو کر، کرکے وضو ظہرین پڑھو
کام بہت کرنا ہے تم کو تھوڑا سا آرام کرو
ورزش والے کھیل بھی کھیلو جس سے صحت بہتر ہو
طاقت ور لوگوں کی ضرورت ہوگی آخر مولا کو
ایک حصّہ شبیر کی خاطر ایک علی کے نام کرو

راہ علی پر چلنا ہوگا ساتھ چلے گی حق کی راہ
کام کرو جو دھیان یہ رکھنا دیکھتا ہے ہم کو اللہ
راہ میں چلتے وقت یقینا نیچی رکھنی ہوگی نگاہ
عید کا دن سمجھو اس دن کو جس میں کوئی بھی ہو نہ گناہ
دل نہ کسی کا توڑو بچوں اچھائی ہر گام کرو

رات کو سوتے وقت یہ سوچو آج کا دن کیسے گزرا
نصرت مہدی آخر میں دن بھر تم نے کیا کام کیا
کوئی گناہ ہوا غلطی سے تو کرلو اس کی توبہ
کرکے وضو سونے کو لیٹو پڑھتے رہو کوئی سورہ
خواب میں مولا آجائيں تو تم مولا سے کلام کرو

گالی جھوٹ حسد اور دھوکہ غیبت اچھی بات نہیں
کینہ غصہ نافرمانی غفلت اچھی بات نہیں
مکر و ریاح اور لالچ چوری نفرت اچھی بات نہیں
کام برے اور ان کاموں کی شہرت اچھی بات نہیں
بغض علی سے دور رہو تم حب علی کو عام کرو

یاد کوئی قول معصوم ہو ایک حدیث بھی مذکورہ
ایک زیارت ناحیہ ہے ایک زیارت عاشورہ
سونے سے پہلے پڑھنا ہے قرآں کا کوئی سورہ
شادماں اور قمر کا ہوگا نصرت کا مقصد پورا
ذکر مولا عین عبادت ذکر یہ صبح شام کرو

پیارے بچوں صبح کو اٹھ کر سب سے پہلا کام کرو
کلمہ پڑھو اور سر کو جھکا کر تم مولا کو سلام کرو

منقبت خواں : حسنین عباس
شاعر: —-
سال: 2010
کمپوزر : زین عباس
اس منقبت کے تحریر کرنے میں اگر کوئی غلطی سرزد ہوگئی ہوں تو اس کے لیے میں معذرت خواہ ہوں

ویڈیو

سبحان اللہ سبحان اللہ
سبحان اللہ سبحان اللہ

جنگ صفین کے سردار تیرا کیا کہنا
حوصلہ وہ دم پیکار تیرا کیا کہنا
تابئہ حیدر کرار تیرا کیا کہنا
پیرو احمد مختارۖ تیرا کیا کہنا
عمر کی تو نے بسر تیغوں کی جھنکاروں میں
کود پڑتا تھا دہکتے ہوۓ انگاروں میں

رزم اور غیضوں کا کہتے ہیں غضنفر تجھ کو
تکتے ہیں خوف سے دارا و سکندر تجھ کو
اہل دل جانتے ہیں عاشق حیدر تجھ کو
بھول سکتے نہیں اے مالک اشتر تجھ کو
سر ہتھیلی پہ رہا تیرا وہ جرار ہے تو
شاہ مرداں کی چمکتی ہوئی تلوار ہے تو

یاعلی کہہ کے جہاں کھینچ لی تو نے شمشیر
ہوگیا ہینچ نگاہوں میں وہ انبوہ کثیر
حملہ کرتے تھے جو مل جل کے ہزاروں بے پیر
سامنے تیرے نہیں چلتی تھی کوئی تدبیر
فوج اعداء کا وہ طوفان وہ صفین کی رات
کلمہ پڑھتا تھا تیرے جوش کا دریائے فرات

تیری تکبیر سے گونج اٹھی زمانے کی فضا
خاک کے ذروں سے پیدا ہوئی حق حق کی صدا
تھی روانی تیری شمشیر کی صد جان وغا
آستیں غیض میں الٹی تو زمانہ الٹا
یاعلی کہہ کے جو قدموں کو جمایا تو نے
رستم و سام کو نظروں سے گرایا تو نے

شرک کو صفحہ ہستی سے مٹانے والے
آتش کفر کے شعلوں کو بجھانے والے
ساز جذبات پہ نغموں کو سنانے والے
آگ بہتے ہوۓ پانی میں لگانے والے
روحیں کھنچتی تھی کشش وہ تیری آواز میں تھی
بات جو بھی تھی وہ ڈوبی ہوئی اعجاز میں تھی

تو وہ صفدر ہے کہ مشہور ہے جرات تیری
جان میدان عمل بن گئ قوت تیری
وہ دو دستی تیری تلوار وہ ضربت تیری
نام سے تیرے ٹپکتی ہے جلالت تیری
شان اسلام بنا حق کا مددگار بنا
زہے تقدیر کہ حیدر کا علمدار بنا

میرے مولا نے تیری تیغ کے جوہر دیکھے
حشر میں سارے زمانے میں رہیں گے چرچے
تیرے حملوں سے صدا کفر کے نقشے بدلے
تیوروں سے تھے نمایاں تیرے دینی جذبے
کفر کی روح تیرے نام سے تھراتی ہے
سامنے آنکھوں کے بجلی سی چمک جاتی ہے

ہر ابھرتے ہوۓ فتنے کو دبایا تو نے
ہر بھڑکتے ہوۓ شعلے کو بجھایا تو نے
بوترابی تھا بڑا زور دکھایا تو نے
اہل دنیا کے کلیجوں کو ہلایا تو نے
تیری ____ نے منہ پھیر دئیے بھالوں کے
دل دہلتے ہيں تیرے نام سے دل والوں کے

سبحان اللہ سبحان اللہ
سبحان اللہ سبحان اللہ

نوحہ خواں سچے بھائ

شاعر: مولانا حسن امداد
نوحہ خواں: سچے بھائی
سال : ——–
کمپوزر : زین عباس
اس نوحے کے تحریر کرنے میں اگر کوئی غلطی سرزد ہوگئی ہوں تو اس کے لیے میں معذرت خواہ ہوں

ویڈیو
اس ویڈیو میں یہ کلام ندیم رضا سرور نے پڑھا ہے۔

هژبر دشت نینوا امیر لشکر حسین
وفا بہ حد معجزہ امیر لشکر حسین
نہنگ قلزم وغا امیر لشکر حسین
خدنگ ترکش قضا امیر لشکر حسین
برنگ شاہ لافتی امیر لشکر حسین
جری دلیر باوفا امیر لشکر حسین

یہ ذوالفقار حیدری یہ شیر بیشئہ نجف
یہ تیغ تیز ہاشمی نشان جرات سلف
ہر اک کا مرکز نظر کفیل تشنگان طف
کنار نہر علقمہ تمام فوج کا ہدف
کسی سے پر نہ رک سکا امیر لشکر حسین
هژبر دشت نینوا امیر لشکر حسین

بہادران صف شکن میں اس جری کے تذکرے
دلاوران تیغ زن میں اس جری کے تذکرے
ہر اک وفا کی انجمن میں اس جری کے تذکرے
رسول پاک کے چمن میں اس جری کے تذکرے
غرور آل مصطفیۖ امیر لشکر حسین
هژبر دشت نینوا امیر لشکر حسین

حسین میر قافلہ یہ قافلے کا پاسباں
کبھی قریب راحلہ قریب سارباں
کبھی بڑھا کے اپ کو وہاں جہاں عماریاں
کبھی سلام کے لیے حضور شاہ انس و جاں
ہر ایک سوہر ایک جا امیر لشکر حسین
هژبر دشت نینوا امیر لشکر حسین

حسین کا اخی بھی ہے حسین کا غلام بھی
حسین کی سپر بھی ہے تبر بھی حسام بھی
حسین کی زرہ بھی ہے کماں بھی ہے سہام بھی
حسین حکم دیں اگر تو شمر سے کلام بھی
وگرنہ وہ کجا کجا امیر لشکر حسین
هژبر دشت نینوا امیر لشکر حسین

فیں درست کرچکی ہے فوج شاہ مشرقین
یسار میں حبیب میں یمین میں رہیر قین
علم بہ دوش قلب میں ہے یہ علی کا نور عین
کبھی نظر ہے فوج پر کبھی نظر سوۓ حسین
کہ منتظر ہے اذن کا امیر لشکر حسین
هژبر دشت نینوا امیر لشکر حسین

حسین اذن دیں اگر ابھی یہ سب کو دیکھ لے
ابھی عراق و شام کو ابھی حلب کو دیکھ لے
ابھی ابھی یہ کوفیان بے ادب کو دیکھ لے
مقابلہ جو آپڑے تو کل عرب کو دیکھ لے
مثال شاہ لافتی امیر لشکر حسین
هژبر دشت نینوا امیر لشکر حسین

بطرز خاص شیر حق بہ شکل شحنئہ نجف
بہ رعب و ادب ہاشمی بہ طور عہد ما سلف
بہ شدّو مد بہ کرّوفر علم بہ دوش سر بہ کف
الٹ کے آستین کو جدھر بڑھے الٹ دے وصف
پسر ‘خدا کے شیر’ کا امیر لشکر حسین
هژبر دشت نینوا امیر لشکر حسین

جو مرضی حسین ہو تو فوج شام ہیچ ہے
یہ دشمنوں کا اجتماع یہ اژدھام ہیچ ہے
فرات پر یہ بندشیں یہ انتظام ہیچ ہے
علی کے گھر سے بدر کا یہ انتقام ہیچ ہے
دکھادے زور لافتی امیر لشکر حسین
هژبر دشت نینوا امیر لشکر حسین


اشارہ امام ہو تو فتح میں دھرا ہے کیا
شعاع مہر کے لیے یہ شام کی گھٹا ہے کیا
فرات تک نہ جانے دے کسی میں حوصلہ ہے کیا
علی کے شیر کے لیے یہ جنگ کربلا ہے کیا
الٹ دے تخت شام کا امیر لشکر حسین
هژبر دشت نینوا امیر لشکر حسین

یزید بد نہاد سے سکون ذات چھین لے
محفاظین نہر سے حق حیات چھین لے
جو مرضی امام ہو ابھی فرات چھین لے
فرات کیا ہے یہ وہ ہے کہ کائنات چھین لے
بڑا بلند حوصلہ امیر لشکر حسین
هژبر دشت نینوا امیر لشکر حسین

مگر یہاں تو حکم ہے کہ بس علی کے شیر بس
حسین اپنی زندگی سے ہوچکا ہے سیر بس
قریب وقت عصر ہے بس اب مرے دلیر بس
ہمارے کوچ میں کہیں مزید ہو نہ دیر بس
کرے گا تابہ کے وغا امیر لشکر حسین
هژبر دشت نینوا امیر لشکر حسین

علی صفدر

شاعر: —-
نوحہ خواں : علی صفدر
سال : 2008
کمپوزر : زین عباس
اس کلام کے تحریر کرنے میں اگر کوئی غلطی سرزد ہوگئی ہوں تو اس کے لیے میں معذرت خواہ ہوں

ظہور کب ہوگا ، ظہور کب ہوگا
خبر تو دو میرے مولا(عج) ظہور کب ہوگا

اندھیری دنیا میں روشن یہ نور کب ہوگا
خبر تو دو میرے مولا(عج) ظہور کب ہوگا

تڑپ رہے ہیں اس حسرت میں آج ہم مولا
خدا کے واسطے اب کیجیے کرم مولا
یہ حال ہے کہ نکلتا ہے اپنا دم مولا
جبینیں ڈھونڈتی ہیں آپ کے قدم مولا

خبر تو دو میرے مولا(عج) ظہور کب ہوگا

تمہی سے ملنے کو ہم جمکران تک پہنچے
جہاں پہ آۓ علی اس مکان تک پہنچے
سمندروں میں پھرے ہر جہان تک پہنچے
نشانی ہے جو تیری اس نشان تک پہنچے

خبر تو دو میرے مولا(عج) ظہور کب ہوگا

گئ ہے جیسے دبے پاؤں غیبت صغرا
اسی طریقے سے رخصت ہو غیبت کبری
تمہارے دید کی صورت یہی ہے اب مولا
زمانہ دیکھے امامت کا آخری جلوہ

خبر تو دو میرے مولا(عج) ظہور کب ہوگا

کریں گے آپ جو مکہ سے کربلا کا سفر
ہمارا نام بھی ہو کاش پَرِسَر محضر
چلیں گے ساتھ تمہارے جو مونس و یاور
بس ایسے وقت کا طالب ہے یہ دل مضطر

خبر تو دو میرے مولا(عج) ظہور کب ہوگا

تمہارے نام پہ صدقے کریں یہ سر کیسے
لٹائيں شام غریباں میں اپنا گھر کیسے
ہمارے حال کی پہنچے تمہیں خبر کیسے
ظہور ہوگا تمہارا یہاں مگر کیسے

خبر تو دو میرے مولا(عج) ظہور کب ہوگا

بلائيں جائيں گے اکبر اذاں سنانے کو
بڑھیں گے دست بریدہ علم اٹھانے کو
چلیں گے جھولے سے اصغر بھی مسکرانے کو
مگر نہ جاۓ گا اب کوئ قید خانے کو

خبر تو دو میرے مولا(عج) ظہور کب ہوگا

امان سروں سے بھی چھن جاۓ گی ردا کی قسم
دھواں کلیجوں سے اٹھے گا کربلا کی قسم
عدو کوئ نہ بچے گا یہاں خدا کی قسم
کٹے گے دست ستم بازو وفا کی قسم

خبر تو دو میرے مولا(عج) ظہور کب ہوگا

عباد تو آج ہے سرور کے سوگواروں میں
خدا کرے کہ یہی کل ہو ان بہاروں میں
پئے جہاد ہو مقتل کے سب سواروں میں
لہو عباد کا بھی شامل ہو جانثاروں میں

خبر تو دو میرے مولا(عج) ظہور کب ہوگا

اندھیری دنیا میں روشن یہ نور کب ہوگا
خبر تو دو میرے مولا(عج) ظہور کب ہوگا

آن لائــن فـــرش عـــزا

http://www.xainabbas.wordpress.com

دستہ امامیہ

شاعر: ہلال نقوی
نوحہ خواں : دستہ امامیہ
سال : 2003
کمپوزر : زین عباس
اس کلام کے تحریر کرنے میں اگر کوئی غلطی سرزد ہوگئی ہوں تو اس کے لیے میں معذرت خواہ ہوں

الہی الہی
کربلا سے آتی ہے صدا
شام و کاظمین و سامرہ
نجف مدینہ دشت نینوا
ہے یہ ذرے ذرے کی صدا
ہاتھ جب دعا میں اٹھ گیا
جب بھی سجدہ گاہ پہ سر جھکا
دل کی تہہ سے عشق جب چلا
سب کے لب پہ آگئ دعا
الہی الہی
قائم رہے یہ ماتم
تا انقلاب قائم(عج)۔
اے خدا دلوں سے یہ جدا نہ ہو
جب تلک ظہور حق نہ ہو

یہ جتنے واقعے ہیں تاریخی و سماجی
اک ان میں کربلا ہے، رسمی نہ اک رواجی
ماتم ہے درحقیقت اک روح احتجاجی
قائم رہے یہ ماتم تا انقلاب قائم(عج)۔

کب سے ہے اہل حق میں جذبے یہ اضطرابی
ہر رنگ کربلائ ہر ڈھنگ بوترابی
ماتم وہی کریں گے جو ہونگے انقلابی
ٹہرے گا اب نہ ماتم تا انقلاب قائم(عج)۔

ماتم ہر اک ادا میں ہر طور میں رہے گا
ہر جبر میں رہے گا ہر جور میں رہے گا
مظلوم کا یہ ماتم ہر دور ميں رہے گا
ہوگا کبھی نہ یہ کم تا انقلاب قائم(عج)۔

اے ماتمی جوانوں تم سے خدا ہو راضی
جن میں حسینیت ہے جیتے ہیں سر کی بازی
جابر کے سامنے بھی سچ بولتے ہیں غازی
یہ سر کبھی نہ ہو خم تا انقلاب قائم(عج)۔

ملّت کی زندگی میں جذبے یہ کربلا کے
ہر ذہن ہر نظر میں انداز یہ وفا کے
ہر خطئہ زمیں پر یہ سلسلہ عزا کے
یونہی رہیں گے محکم تا انقلاب قائم(عج)۔

شبیر کی شہادت سب کے لیے ہے محکم
زمانہ جاری رہے گا ماتم
اس فکر کربلا کو محدود کیوں کریں ہم
ہر ہر نفس محرم تا انقلاب قائم(عج)۔

عباس کا یہ پرچم جب بھی کہیں اٹھے گا
اس کے تلے ہمیشہ یہ قافلہ چلے گا
پرچم کے سائباں میں ماتم صدا رہے گا
اونچا رہے یہ پرچم تا انقلاب قائم(عج)۔

کرتی رہی یہ دنیا اس غم سے استفادہ
اس کے جلوس اب بھی بڑھتے ہیں پاپیادہ
ہر سال سوگ اس کا ہوتا رہے زیادہ
ماتم رہے یہ پیہم تا انقلاب قائم(عج)۔

ہونٹوں پہ ذکر ان کا جب بھی ہلال آیا
جب بھی بقاۓ حق کا کوئ سوال آیا
اے کربلا کے مقتل تیرا خیال آیا
ہے یہ خیال ہر دم تا انقلاب قائم(عج)۔

اے خدا دلوں سے یہ جدا نہ ہو
جب تلک ظہور حق نہ ہو
الہی الہی
قائم رہے یہ ماتم
تا انقلاب قائم(عج)۔

آن لائــن فـــرش عـــزا

http://www.xainabbas.wordpress.com

دستہ امامیہ

شاعر: —–
نوحہ خواں : دستہ امامیہ
سال : 2010-2011
کمپوزر : زین عباس
اس کلام کے تحریر کرنے میں اگر کوئی غلطی سرزد ہوگئی ہوں تو اس کے لیے میں معذرت خواہ ہوں

اللھمہ عجل لولیک الفرج
نظروں سے آپ کیوں ہیں نہاں
آبھی جائیے آجائيے امام زمان(عج)۔

دین خدا ہے دشمن دیں کے حصار میں
دلواۓ جلد فتح ہمیں کارزار میں
دم گھٹ رہا ہے ایٹمی گرد و غبار میں
ہر لمحہ کٹ رہا ہے فقط انتظار میں
سینے میں دل ہے غم سے نہاں
آبھی جائیے آجائيے امام زمان

نسل یزید و شمر کے پھر اٹھ رہے ہیں سر
چھایا ہوا ہے خوف دل خاص و عام پر
ہے مومنوں سے برسر پیکار اہل “شر؟”۔
مغموم ہیں فضائيں شریعت ہے نوحہ گر
اے مالک زمین و زماں آبھی جائيے

تر ہورہی ہے خون سے دنیاۓ آب و گل
ابلیس بھی ہے لوگوں کے کرتوت پر خجل
چہرے ہیں زرد ہجر کے مارے ہیں مضمحل
کانوں سے اہل نار کے اب جل رہے ہیں دل
کعبہ سے اٹھ رہا ہے دھواں آبھی جائيے

نظروں سے آپ کیوں ہیں نہاں
آبھی جائیے آجائيے امام زمان

آن لائــن فـــرش عـــزا

http://www.xainabbas.wordpress.com

ہلال نقوی

علی صفدر

شاعر: ہلال نقوی
نوحہ خواں : علی صفدر
سال : —-
کمپوزر : زین عباس
اس کلام کے تحریر کرنے میں اگر کوئی غلطی سرزد ہوگئی ہوں تو اس کے لیے میں معذرت خواہ ہوں

علی کی انقلابی زندگی سے
نئی تاریخ تیور مانگتی ہے

نظر تیری بھٹکتی ہے کہاں پر
اسے ٹہرا علی کی داستاں پر
پہنچنا ہے جو حق کے آستاں پر
کفن بردوش بڑھنا ہے یہاں پر
یہ وہ منزل ہے جو سر مانگتی ہے

خطابت کے ہیں گر جوہر دکھانے
نئے انداز سے دل ہے جگانے
کھڑے ہیں ہاتھ پھیلاۓ زمانے
لٹا نہج البلاغہ کے خزانے
زباں تہذیب منبر مانگتی ہے

ارادے فکر کامل ڈھونڈتے ہیں
تمناؤں کا حاصل ڈھونڈتے ہیں
بھنور میں ہیں تو ساحل ڈھونڈتے ہیں
مسافر اپنی منزل ڈھونڈتے ہیں
نظر خود علم کا در مانگتی ہے

اگر دل میں عمل کی لو بڑھائيں
مسلماں ساری دنیا کو ہلائيں
قدم آگے مگر کیسے بڑھائيں
ابھی خیبر شکن ہیں کب ادائيں
ابھی تلوار جوہر مانگتی ہے

یہ دنیا ہاتھ میں خنجر لیے ہے
یہ دنیا ظلم کا دفتر لیے ہے
یہ دنیا نقوت عنتر لیے ہے
یہ دنیا مرحبی تیور لیے ہے
یہ دنیا ضرب حیدر مانگتی ہے

مٹا دے جو اداۓ کافرانہ
گرا دے جو در جہل زمانہ
خِـرَد کو دے دے صبح فاتحانہ
قیادت کی نگاہيں عارفانہ
وہی مرد غضنفر مانگتی ہے

مٹا دے ظلم کی جو کج کلہائ
علی کے نام سے لرزہ ہے شاہی
زمیں پر دے دے پھر حق کی گواہی
وہی ہے عظمت شان الہی
زمین نفس پیعمبرۖ مانگتی ہے

نہیں آساں شہادت کی ادائيں
ہو سجدے میں جبیں جب ضرب کھائيں
نظر دیتی ہو قاتل کو دعائيں
جو پیاسا ہو تو پانی بھی پلائيں
شہادت قلب حیدر مانگتی ہے

ہوۓ ہیں صاحبان حق جو قرباں
جماعت ہوگئ شہہ کی پریشاں
زمیں پر بہہ گیا خون شہیداں
فضا پر چھاگئ شام غریباں
بہن بھائ سے چادر مانگتی ہے

یہ ہے وہ امتحان گاہ محبت
جہاں ہے موت کے قدموں کی وحشت
یہ اطفال حسینی کی ہے ہمت
کہ ہے ان کی طرف چشم شہادت
قضا بانو سے اصغر مانگتی ہے

ہلال آساں نہیں دعوی وفا کا
صدا دیتا ہے ہر منظر قضا کا
کڑا ہے امتحاں دشت بلا کا
تقاضا ہے یہی بس کربلا کا
وفا اس راہ سے سر مانگتی ہے

علی کی انقلابی زندگی سے
نئی تاریخ تیور مانگتی ہے

آن لائــن فـــرش عـــزا

http://www.xainabbas.wordpress.com

سید ندیم رضا سرور

شاعر : ریحان اعظمی
نوحہ خواں : سید ندیم رضا سرور
سال : 2010-2011
کمپوزر : زین عباس
اس نوحے کے تحریر کرنے میں اگر کوئی غلطی سرزد ہوگئی ہوں تو اس کے لیے میں معذرت خواہ ہوں۔

آڈیو
یہ نوحہ ڈاؤن لوڈ کرنے کے لیے نیچے دئیے گئے لنک پر کلک کریں
ہمارے ہیں یاحسین(ع)۔MP3
(Right Click / Save Target as or copy paste the link into new browser)

ویڈیو

میں کربلا میں کھڑا ہوں
لباس سوگ میں ہوں
ہے اربعین حسین اور حسینی لشکر کا
کڑوڑوں لوگ ہیں سارے لباس سوگ میں ہیں
ہر ایک نسل ہر ایک رنگ ہر زبان کے لوگ
نگاہیں روضہ شبیر کے طواف میں ہیں
لبوں پہ ہاۓ حسینا غریب ہاۓ حسین

خیال آتا ہے اکسٹھویں سن ہجری کا
اور اس محرم کا یہی مقام تھا
اک بندہ خدا جس کا حسین نام تھا
رہ خدا میں ہتھیلی پہ سر اٹھاۓ ہوۓ
ہر ایک دور کے انساں کی آبرو کے لیے
وہ اپنے دل پہ بہتّر کے زخم اٹھاتا رہا
وہ اپنے جسم پہ زخموں پہ زخم کھاتا رہا
قدم بڑھاتا رہا قدم بڑھاتا رہا

بس ایک عزم تھا انسان سرخرو ہوجاۓ
بس ایک دھن تھی کہ انسانیت نہ مرجاۓ
انسانیت پہ ہے احساں حسین کا
احسان ہی تو ہے احسان کا صلہ
ہر دل میں یاحسین ہر دل میں کربلا
بیدار کردیا جو زمانہ حسین نے
بے ساختہ تمام زمانہ یہ کہہ اٹھا
کہ ہمارے ہیں یا حسین

انسانیت کی شان بڑھائ حسین نے
انسانیت بشر کو سکھائ حسین نے
انسانیت کی پیاس بجھائ حسین نے
انسان جب حسین کے پیکر میں ڈھل گیا
انسانیت پکاری وتعز من تشاء
کہ ہمارے ہیں یاحسین

دنیا کے ہر ادب میں ہے حصّہ ہے حسین کا
دنیا کی ہر زباں پہ ہے قبضہ حسین کا
انساں سمجھ رہا ہے یہ رتبہ حسین کا
تاریخ کو حسین نے حیران کردیا
سارے جہاں کے اہل قلم نے یہ لکھ دیا
کہ ہمارے ہیں یاحسین

سورہ میں مائَتَیْنِ کے اللہ نے سنایا
تخلیق کل میں انساں اشرف تجھے بنایا
انساں کا درد دل میں انسان کے اتارا
انسانیت کا مکتب گھر پنجتن کا رکھا
اس گھر نے پنجتن کے ایک شہر کو بسایا
پھر اپنا خون دے کے اس شہر کو سنوارا
یہ شہر نینوا ہے، یہ شہر ماریہ ہے
یہ شہر کربلا ہے، یہ شہر کربلا ہے
دل ہے تو کربلا، دل ہے تو یاحسین
ہمارے ہیں یاحسین

انسانیت سمجھنے چلو کربلا چلو
ہاں تھام لو حسین کے دامن کو تھام لو
حر، جون اور حبیب کی صف میں کھڑے رہو
دل ہے تو اب حسین کی آواز کو سنو
فرماتے تھے حسین وہ انسان نہیں ہے
لوٹے جو دل کا چین وہ انسان نہیں ہے
روۓ نہ جس کے نین وہ انسان نہیں ہے
ہنس دے جو سن کے بین وہ انسان نہیں ہے

انسانیت بچاۓ وہ انسان ہے انسان
انساں کا دکھ اٹھاۓ وہ انسان ہے انسان
درس وفا سکھاۓ وہ انسان ہے انسان
جو سب پہ رحم کھاۓ علم و عمل بڑھاۓ
انسانیت بچاۓ وہ انسان ہے انسان
انسان کو حسین نے انساں بنادیا
انسانیت کے لب پہ مسلسل تھی یہ صدا
کہ ہمارے ہیں یاحسین

دو طرح کے ہوا کرتے ہیں جہاں میں انساں
ہیں جدا راستے دونوں کے بقول قرآں
آدمی ایک یزید ازلی میں ابھرا
ایک انسان حسین ابن علی میں ابھرا
اس طرف خام خیالی نیا اسلام بنے
اس طرف عزم جلالی کہ شریعت نہ مٹے
اس طرف سلطنت، دولت و طاقت کا غرور
اس طرف چھوٹا سا گھر فاقوں ميں ہے منبع نور
ایک طاقت کے تکبّر میں جو اترا کے چلا
دوسرا نانا ۖ کے مرقد سے دعا پا کے چلا
ایک نو لاکھ کے لشکر کو لیے ساتھ چلا
دوسرا گود میں اصغر کو لیے ساتھ چلا
اس طرف نیزے تھے تلواریں تھیں اور بھالے تھے
اس طرف شوق شہادت لیے دل والے تھے
اس طرف جشن مناتے تھے زمانے والے
اس طرف بیکس و بے آس مدینے والے
اک طرف نشنہ دہاں سب کے سب خشک زباں
ان کا مقتل تھا جہاں ریت ساری تھی تپاں
دور تھی نہر رواں الحفیظ الاماں

کیا دل تھا دل حسین علیہ سلام کا
جس میں کوئ خیال نہ تھا انتقام کا
دل تھا تو دل پہ کار رسالتۖ اٹھا لیا
دل تھا تو دل پہ نور شہادت اٹھا لیا
دل تھا تو دل پہ بار قیامت اٹھا لیا
دل تھا خدا کے عشق میں سب گھر لٹا دیا
دل تھا تو دل پہ داغ بہتّر اٹھا لیا
دل تھا سنبھل کے لاشئہ اکبر اٹھالیا
حد ہے جنازہ علی اصغر اٹھا لیا
حسین دل ہے تیرا

کربلا کیا تھا لعینوں کی شقاوت کیا تھی
سوچ انسان کہ سادات کی حرمت کیا تھی

عید گزری ہے ابھی یعنی کہ عید قرباں
آپ نے پورا کیا ہوگا یہ رکن ایماں
چند شرطیں ہیں ذبیحہ کی براۓ انساں
شرطیں اوّل ہے کہ کمسن نہ ہو بیمار نہ ہو
اور بھوکا نہ ہو پانی کا طلبگار نہ ہو
رو برو سامنے حیوان کے حیوان نہ ہو
وقت ذبح وہ گھڑی بھر کو پریشان نہ ہو
شرط یہ بھی ہے چھری بھی نہ دکھاؤ اس کو
ذبح سے پہلے قضا سے نہ ڈراؤ اس کو
ہو چھری تیز مگر ہاتھ ہو نرمی سے روا
ایک ہی وار میں ہوجاۓ ذبیحہ قرباں
الحفیظ و الاماں

اب جگر تھام کے اے مومنوں یہ حال سنو
لو ذرا مقتل شبیر کا احوال سنو
ہاۓ حیواں کی دم ذبح شرائط اتنی
اور جس گھر سے یہ منسوب ہوئ قربانی
اس کی اولاد کی مقتل میں یہ توقیر ہوئ
کوئ بھی شرط ذبیحہ کی نبھائ نہ گئ
الحفیظ و الاماں

شرط اوّل تھی کہ کمسن نہ ہو دندان بھی ہوں
دودھ پیتا نہ ہو مرجانے کا امکان نہ ہو
تم کو اب مادر اصغر کی قسم اہل عزا
قتل اصغر جو ہوۓ سوچیے وہ کیا سن تھا
تیسرا فاقہ تھا چھ ماہ کا سن واویلا
ایک بھی دانت نہ نکلا تھا علی اصغر کا
ایک بالشت کا کرتا تھا علی اصغر کا
دودھ پینا بھی نہ چھوٹا تھا علی اصغر کا
پہلا کمسن ہے کہ جو ذبح نہیں نہر ہوا
تیر سہہ پہلو سے معصوم کو بھی مار لیا
الحفیظ و الاماں

شرط دوئم تھی کہ حیواں نہ ہو بھوکا پیاسا
اور ہفتم سے تھے سادات بنا آب و غذا
حلق تر کرتے ہیں قصّاب بھی قربانی کا
اور بہتّر کو دم ذبح بھی پانی نہ ملا
جلتی ریتی پہ کہیں اکبر و عباس گرے
اور کہیں عون و محمد کہیں قاسم تھے پڑے
ذبح حیواں کا نہیں حکم ہے حیواں کے حضور
یاں نہ شبیر سے زینب نہ سکینہ تھیں دور
شاہ ان کو وہ سوۓ شاہ امم دیکھتے تھے
ذبح ہوتے تھے حسین اہل حرم دیکھتے تھے
حسین یا حسین

منع دکھلانا چھری کا ہے پئہ قربانی
یاں تھا نو لاکھ کے نرغے میں علی کا جانی
اک جان آ خریدار اے اعظم بااللہ
ہر طرف ظالم و خونخوار اے اعظم بااللہ
اپنے رتبے کا کسی کو نہ شناسا دیکھا
دیکھا پیاسے نے جسے خون کا پیاسا دیکھا
آخری شرط چھری تیز ہو نرمی سے رواں
تاکہ تڑپے نہ اذیت سے ذرا بھی حیواں
آخری سجدہ ادھر کرنے لگے شاہ ہدی
کند کرتا ہوا خنجر کو ادھر شمر چلا
تیرہ ضربوں سے سر سید والا کاٹا
اور مظلوم ہر اک ضرب پہ دیتا تھا صدا
ضرب پہ ضرب لگی کہتے تھے امّاں امّاں
ضرب آخر پہ کہا ہو میرے عباس کہاں
یاحسین یاحسین یاحسین یاحسین

آن لائن فرش عزا

http://www.xainabbas.wordpress.com

نوحہ خواں سید ندیم رضا سرور

نوحہ خواں علی شناور و علی جی

شاعر : بی بی ذاکرہ
نوحہ خواں : فرزندان ندیم رضا سرور علی شناور و علی جی
سال : 2010-2011
کمپوزر : زین عباس
اس نوحے کے تحریر کرنے میں اگر کوئی غلطی سرزد ہوگئی ہوں تو اس کے لیے میں معذرت خواہ ہوں

یہ نوحہ ڈاؤن لوڈ کرنے کے لیے نیچے دئیے گئے لنک پر کلک کریں
اکبر(ع) میرا پیارا تھاMP3
(Right Click / Save Target as or copy paste the link into new browser)

ہاۓ علی اکبر ، ہاۓ علی اکبر
آہ علی اکبر، آہ علی اکبر

جیون کا اثاثہ تھا پیری کا سہارا تھا
کیا جانيں وہ کیا کیا تھا
اکبر میرا پیارا تھا
راج دلارا تھا

اکبر کی جوانی پر سو جاں سے فدا مادر
اے کاش اسے دیکھوں اک بار نظر بھر کر
وہ آنکھوں کا تارا تھا، راج دلارا تھا

یہ دن تھے جوانی کے اکبر تیری شادی کے
کس طرح لٹے ارماں تیری ماں دکھیاری کے
ایسا تو نہ سوچا تھا راج دلارا تھا

کیا خوب وہ صورت تھی ناناۖ کی شباہت تھی
وابستہ بہت تم سے اپنوں کی محبت تھی
وہ سب کا دلارا تھا راج دلارا تھا

اک داغ علم دے کر کس سمت چلے اکبر
سر خم کیے رو کر بیٹا تیری راہوں پر
بابا کا یہ نالہ تھا راج دلارا تھا

سینے میں جو بھالا ہے اس دل میں بھی اترا ہے
کیسے یہ سہوں صدمہ یہ ماں کا کلیجہ ہے
وہ نازوں کا پالا تھا راج دلارا تھا

میداں سے جو آتے تم اور ماں کو بلاتے تم
پانی میں تمہیں دیتی اور پیاس بجھاتے تم
کیا ماں کو پکارا تھا راج دلارا تھا

جب یاد تیری آۓ دل تم کو کہاں پاۓ
اتنا تو بتا جاؤ مادر یہ کہاں جاۓ
یوں مجھ کو رلانا تھا راج دلارا تھا

اب علی شناور یہ ذکر غم سناتا ہے
ذاکر اپنا یہ نوحہ ہر ماں کو رلاتا ہے
غم یہ کتنا گہرا تھا راج دلارا تھا

اکبر میرا پیارا تھا راج دلارا تھا
ہاۓ علی اکبر ہاۓ علی اکبر

آن لائــن فـــرش عـــزا

http://www.xainabbas.wordpress.com

&

سید ندیم رضا سرور

شاعر : ہلال نقوی
نوحہ خواں : سید ندیم رضا سرور
سال : 2010-2011
کمپوزر : زین عباس
اس نوحے کے تحریر کرنے میں اگر کوئی غلطی سرزد ہوگئی ہوں تو اس کے لیے میں معذرت خواہ ہوں۔

آڈیو
یہ نوحہ ڈاؤن لوڈ کرنے کے لیے نیچے دئیے گئے لنک پر کلک کریں
زندہ رہے حسین(ع) تیرا غمMP3
(Right Click / Save Target as or copy paste the link into new browser)

ویڈیو

زندہ رہے حسین
زندہ رہے حسین تیرا غم، تیرا غم مناۓ گے
اے فاطمہ کے لعل یہ وعدہ نبھائيں گے

گھر میں ہمارے آئيں گی مجلس میں فاطمہ
فرش عزا کے ساتھ یہ دل بھی بچھائيں گے

جھولیں عماریاں یہ شبیہیں یہ تازیے
تہذیب غم سے درد کے منظر سجائيں گے

یہ ان کا ہے جلوس جو پیاسے ہوۓ شہید
ہم اس کے راستے میں سبیلیں لگائيں گے

کہتے ہیں چھوٹے چھوٹے سے بچے یہ باپ سے
اک روز بابا جاں یہ علم ہم اٹھائيں گے

کچھ دیر ذوالجناح میرے گھر پہ روک دو
پیاسے کی اس سواری کو پانی پلائيں گے

بچپن سے ہے دعا کہ بنائيں گے گھر جہاں
عاشور خانہ گھر میں وہاں ہم سجائيں گے

گھر میں اگر ہو نذر سکینہ تو ہے یقین
اس نذر میں سکینہ کے عمّو بھی آئيں گے

اس شان کے ملے ہيں نمازی حسین کو
تیروں کے سامنے یہ مصّلے بچھائيں گے

بچوں کو اپنے سجدہ شبیر کی قسم
ماتم کے ساتھ ساتھ نمازيں سکھائيں گے

راہ حسینیت کے شہیدوں سلام لو
تم کو نہ اپنے دل سے کبھی ہم بھلائيں گے

بعد ظہور ہوگا محرم کا یہ حشم
ہم کربلا امام(عج) کے ہمراہ جائيں گے

نوحہ بھی سفیر عزا سرور و ہلال
جس دیس میں بھی جائيں گے نوحہ سنائيں گے

زندہ رہے حسین تیرا غم، تیرا غم مناۓ گے
زندہ رہے حسین

آن لائن فرش عزا

http://www.xainabbas.wordpress.com